انا انهارده للأسف مش هكتب عن كتاب لان دمي محروق ..روحت اشتري كام كتاب كدا ناس قالوا ليه عليها ورحت لدار المعارف اللي هنا مش في القاهره المهم كانت كتب الاطفال تحت وكتب الكبار فوق قلنا ماشي بس كوني اطلع فوق بنظام ابحث بنفس وهيلب يور سلف دا مينفعش اولا ملقتش ولا كتاب من اللي كنت عيزاه وجبت كتب غير اللي كنت مخططاها دا بعد عناء كبير الكتب على تاندات غير منظمة لفئات بجد حزنت جداُ أولا لأن دي دار المعارف يعني لها اسم ومش معنى انها مش تكون في القاهره ان مش يكون لها اهتمام لا طبعا دا المفروض يكون هناك اهتمام بمراكز اللي بتبيع الكتب اكتر من كدا ثانيا اننا كدولة من اكثر الدول منتجه للصحف والكتب والمجلات نكون عندنا في كل محافظه وكل قريه مكان نلاقي فيه كل اللي محتاجينه من كتب وفي الاخر يرجعوا يقوالوا احنا مش بنقرأ كتب واحنا مش شعب مثقف وكلام ملوش اساس من الصحه اساساً وان شاء الله اخلص الكام كتاب اللي جبتهم واكتب عنهم لأنهم حكاية بجد |
تحياتى
مش عارف ليه بس حاسس كده انك بتتكلم عن دار المعارف اللى فى طنطا
لانى فى زياراتى الكثيرة لطنطا بلاحظ فعلا كده فى دار المعارف ولما رحت دار الكتب ملقيتش حاجه كويسه لان معظم الكتب كانت اتسرقت فى عملية النقل ومش مشكلة لما نتعب شوية فى سبيل كتاب ما احنا بنقف فى طابوور عشان العيش بجملت بقى
وتقبل تحياتى